安全套常見問題 FAQ
什麼是安全套？
安全套（Condom）是一種主要用來預防懷孕和減少性病傳播的保護工具，屬於最普遍、最容易購買、亦被視為最有效嘅性行為安全措施之一。
「安全套」係香港最常見的叫法之一，不過亦有唔少人會直接使用英文詞「Condom」表達。
其他地區仲有唔同叫法，例如 避孕套、保險套、衛生套、コンドーム、Rubber（美式俚語）。
香港有時亦會用較口語、輕鬆嘅講法，例如「domdom」或者「套套」嚟代表安全套，多數出現喺熟人之間嘅對話中使用，雖然非正式，但好易明白，亦反映香港本地文化用字特色。
「安全套」呢個名詞，係因為佢主要功能係提供性行為時嘅安全保護，可以阻隔精子進入女性陰道和子宮，達到避孕效果，同時有效減低性病傳播風險。
一般安全套前端設有儲精袋、表面亦預先塗上潤滑劑，使用時只要喺勃起後，接觸對方之前小心戴上，即可發揮保護作用。用完後記得妥善棄置，切勿重複使用。
如何使用安全套？
新手第一次用安全套，可能唔知點戴；就算係有經驗嘅人，都未必每次都用得正確。
其實方法好簡單：
-
喺每次性行為之前，先檢查包裝有冇破爛，睇清楚有效日期。
-
小心撕開包裝，唔好用牙咬、鉸剪等利器打開包裝，避免整爛入面嘅安全套。
-
拿出安全套後，搵到容易向下捲落去嘅一邊，嗰邊就係正確方向；通常表面都已經預先塗上潤滑劑。
-
用手指輕輕擠走儲精袋頂部嘅空氣，然後喺陰莖勃起後，小心向下捲戴落去，直至完全覆蓋。
-
如果唔小心戴錯方向，唔好反轉再用，應該即刻換過一個新嘅安全套。
即使未射精，前列腺液（俗稱分泌液）都有機會含有精子，反轉再用會令呢啲液體直接接觸女性陰道，增加懷孕或感染風險，所以一定要更換全新嘅安全套。
-
射精之後，趁陰莖仍然硬，用手按住底部抽出安全套，避免精液漏出。
-
想加潤滑嘅話，只可以用 水性 或 矽性潤滑劑，絕對唔可以用油性潤滑產品（例如凡士林、精油、BB油），會整穿乳膠安全套。
-
用完即棄，絕對唔可以重複使用。
安全套的避孕成功率有幾高？
安全套屬於有效嘅避孕工具。根據統計，每次性行為都正確佩戴及使用，避孕成功率可達 98%。
但如果使用方法唔正確，例如戴錯方向、配搭油性潤滑劑、射精後冇即時移除等，則成功率會下降至約 87%。
所以，學識正確使用安全套，可以大大減低懷孕風險，亦有助維持伴侶雙方安心愉快嘅性生活。
如何選擇合適尺寸的安全套？
選擇啱尺寸嘅安全套，係最基本、但最重要嘅一步。如果太緊，容易破裂；太鬆，又可能會滑落，影響避孕與預防性病嘅功能。
一般會根據陰莖勃起時嘅 直徑與長度 作為參考，唔同牌子仲有細碼、中碼、大碼、加大碼等選擇。
🔗 唔肯定自己屬於邊個尺寸？可以睇下我哋整理嘅 👉 安全套尺寸教學，用簡單方法幫你搵到最適合嘅尺碼。
安全套有哪些不同的類型？
市面上有唔同款式嘅安全套，每款都有佢獨特功能，可以按需要揀返最啱自己同伴侶嘅：
-
超薄安全套：夠貼身夠薄，好接近真實觸感，接近無套狀態，適合想追求原始感覺嘅你。
-
加厚（持久型）安全套：安全套比較厚身，可以減低敏感度，有助延長時間，適合想控制節奏嘅人。
-
加量潤滑安全套：表面潤滑劑比標準版多，減少磨擦、用起上嚟順滑舒服啲，對於本身愛液唔多嘅女仔嚟講特別有幫助，唔怕乾、唔怕痛；亦適合肛交使用。
-
凸點螺紋安全套：表面有凹凸紋理或者圈圈紋，增加摩擦刺激，想搵啲新鮮感可以試吓呢類型。
-
熱感安全套：戴上之後會產生溫熱感覺，會有陣熱熱地嘅感覺，快感升溫，適合想搵返火熱感覺嘅你。
-
香味安全套：加入唔同氣味（例如士多啤梨、朱古力），唔單止減低橡膠味，仲令過程氣氛輕鬆啲，適合想試 playful 情調嘅情侶。
安全套的材質有哪些選擇？
市面上嘅安全套有幾種唔同嘅 材質，揀啱自己適合嘅款式，戴得安心又舒服：
-
乳膠安全套（Latex）：最常見嘅材質，彈性良好、價格最親民，市面上超過八成安全套都係乳膠製成。不過，如果你或你的伴侶對乳膠 過敏，就要選用其他物料製造對安全套。
-
聚氨酯安全套（PU）：PU 材質比較 薄身、傳熱快，更加貼近皮膚感覺。目前市面上的 0.01、0.02 安全套都是由 PU 製成、PU 彈性相對比較低，佩戴是需要注意，特別對直徑的選擇需要謹慎，以免影響使用體驗。不含乳膠，適合對乳膠過敏嘅人士。
-
聚異戊二烯安全套（PI）：質地比 PU 更柔軟，彈性更好，同樣不含乳膠，佩戴起上嚟更貼合自然，唔容易有緊束感。唔少用家甚至覺得，PI 比乳膠安全套更加舒服，係舒適感與保護力兼備嘅選擇。代表品牌有 SKYN，越來越多人轉用 PI 材質，成為近年大熱之選。
如果你對乳膠敏感，可以試吓 PU 或 PI 材質嘅 非乳膠安全套，找出最適合你的選擇。
日本安全套同歐美安全套有咩分別？
日本安全套無論係技術、設計、用料都明顯高一線，以下幾點幫你簡單比對：
✅ 尺寸選擇更齊全
好多人覺得日本安全套特別細，其實係一個錯誤嘅觀念，日本品牌，係照顧到由細碼到加大碼嘅使用者，喺我哋嘅網站入邊，亦都有清楚顯示不同型號嘅直徑，方便男士揀返啱自己尺寸。
✅ 0.01、0.02 超薄技術領先全球
超薄安全套係由日本品牌首創，多年前已經拋離歐美傳統品牌。歐美牌子好多時嘅「超薄」型號，厚度其實多數係 0.04mm - 0.05mm 左右；而日本 Okamoto、Sagami 嘅 0.01mm、0.02mm 安全套，幾乎貼身到好似冇戴咁，技術領先成個行業。
✅ 外型設計同質感更細緻
日本品牌一向追求細節，唔止著重安全套本身嘅質素，連包裝嘅打開方法、方向指示、潤滑均勻程度都做得好細緻，戴上去會感覺自然、精細得到。
✅ 歐美安全套設計較為傳統
歐美安全套設計偏向基本，尺寸選擇少，包裝亦比較唔講究；相反，日本安全套喺包裝、命名、甚至係情侶互動角度上都落足心機，感覺更加貼地同人性化。
✅ 我哋 Condom01 主力引入日本品牌
因為我哋真心認同日本安全套係質素最好，所以店內主打 Okamoto、Sagami、JEX、SKYN等品牌，種類豐富、規格全面覆蓋，幫你搵到最啱你嘅一款。
安全套會影響性快感嗎？
唔少人覺得戴咗安全套會冇晒感覺，但事實係——揀啱款式，唔但止唔會減少快感，仲可能令整個過程更放鬆、更投入。
戴套可以減低意外懷孕或感染風險嘅不安感，令雙方心理上更安心、更自在。冇咗呢份壓力，自然可以更投入、更專注享受當下嘅親密接觸。
而家好多安全套都設計得夠薄、夠貼身，例如 0.01mm、0.02mm 超薄款式、螺紋設計、熱感功能等，都可以帶嚟更強嘅刺激感。
總之，揀啱你哋鍾意嘅安全套，快感 + 安心，一樣都唔會少！
可以同時使用潤滑液嗎？
✔ 水性潤滑液：最安全、最通用，適合所有安全套物料，包括乳膠（Latex）、PU（聚氨酯）、PI（聚異戊二烯），而且亦適合配合任何類型嘅情趣用品使用，清洗又方便。
✔ 矽性潤滑液：比水性潤滑液更加持久，唔易乾，亦可以安全配合乳膠、PU、PI 安全套使用。不過如果你會配合使用矽膠材質嘅情趣用品（例如按摩棒、震蛋），就唔建議用矽性潤滑液，因為可能會溶解表面，損壞玩具。
❌ 油性潤滑液（例如凡士林、BB油、按摩油）：唔可以用！會破壞乳膠安全套結構，增加穿窿風險，亦可能影響其他物料嘅保護效果。
💡 小提醒：
如何防止安全套破裂或脫落？
最重要係揀啱尺寸，唔好過鬆或過緊。戴嘅時候記得擠走儲精袋入面嘅空氣，減少因壓力爆裂嘅機會。
切勿使用油性潤滑劑（例如凡士林、精油、BB油），會腐蝕乳膠，只可以用水性或矽性潤滑劑。
如果性愛時間比較長，中途建議更換新一個安全套，減低因摩擦或疲勞導致破裂風險。
最後，儲存方式都好重要，唔好擺喺銀包、車入面、或者其他高溫嘅地方，建議放喺陰涼乾爽嘅環境，避免陽光直射，防止物料老化。
如使用者對乳膠安全套過敏，會有什麼反應？
對乳膠過敏（Latex Allergy）的人士，戴上乳膠安全套後，通常喺幾分鐘至一小時內可能會出現以下不適：
-
痕癢、紅腫、灼熱感
-
陰莖或陰道附近出現紅疹或脫皮
-
嚴重者甚至會出現氣喘或呼吸困難
呢啲係典型嘅過敏反應，男女雙方都有機會出現。唔單止使用安全套嘅男士，就連女性伴侶如果陰道接觸到乳膠，都可能過敏。
如果懷疑自己有乳膠過敏，應該立即停止使用，並選擇非乳膠安全套，例如：
呢類安全套冇乳膠成分，適合敏感膚質人士，保護力同樣出色。
可以戴兩個安全套嚟加強保護嗎？
唔建議同時戴兩個安全套。
小部份用家以為戴兩個安全套可以「雙重保護」，但事實上，兩層安全套之間會產生磨擦，反而更容易破裂或者滑脫，咁樣反而會降低避孕同防性病嘅效果。
無論係 兩個男用安全套一齊戴，定係 男用加女用安全套重疊使用，都係唔正確嘅用法。
正確做法係：揀返適合自己尺寸嘅單一個安全套，正確佩戴，就已經可以提供高效保護（正確使用下可達 98% 避孕成功率）。
第一次買安全套要注意啲咩？
第一次買安全套，其實唔使尷尬，選擇合適嘅尺寸同功能先係重點。以下幾個貼士可以幫到你：
-
了解自己尺寸：安全套有分細碼、中碼、大碼甚至加大碼。太鬆會滑脫，太緊會容易破裂，所以最好參考安全套尺寸教學，量度陰莖直徑再揀合適尺碼。
-
唔好一味追求超薄：第一次用未必需要即刻試超薄款，可以考慮標準厚度、潤滑度高啲嘅款式，用得舒服先最重要。
-
睇清楚有效日期：有啲超市／藥房賣緊臨期貨，要特別留意包裝背後嘅「EXP」標示；當然未過期都可以安心使用，通常呢類貨品，都會有大額折扣。
-
唔好怕問店員：如果唔知買邊款，可以主動問，唔需要怕醜。又或者可以選擇網上購買，包裝保密、方便 discreet。
-
睇清楚有冇標示品質認證：例如日本JIS、歐盟CE等，代表產品經過安全測試，喺 condom01.com 購買嘅安全套全部都係符合各種安全標準的大品牌，可以放心使用。
-
試啱先 bulk買：初初可以試唔同品牌嘅小包裝裝，揾到最啱先考慮優惠組合。
情侶第一次做，建議用邊款安全套？
第一次嘗試性行為，最重要係舒適同安心，唔需要追求花巧款式，以下幾類型安全套特別適合初次體驗：
-
加量潤滑安全套：第一次可能會比較緊張，陰道分泌未必夠，加量潤滑安全套可以減低磨擦，提升舒適度，減少不適。
-
標準厚度、安全設計款：避開超薄或者功能型款式，選擇品質穩定、標準厚度嘅標準型安全套，例如岡本、相模等日本品牌嘅「標準版」，最適合初學者。
-
乳膠過敏就選 PU／PI 安全套：如果其中一方唔肯定有冇乳膠敏感，可以選擇 PU 聚氨酯或 PI 聚異戊二烯 材質，更柔軟、唔易敏感；但係PU安全套，基本上都係超薄款式，所以 PI 安全套，可以話係對乳交敏感嘅新手使用者，唔錯嘅選擇。
做完愛發現安全套穿咗點算？
🧍♀️ 女性伴侶應該：
-
儘快去洗手間排尿、清洗私密處，但唔好進行陰道灌洗，以免推高感染風險。
-
如果有懷孕風險（即係冇食緊避孕藥），可考慮 事後避孕藥（72 小時內效果最好），可去家計會、診所或婦科求助。
-
留意 2 星期後進行驗孕，特別係月經未來、或出現懷孕初期症狀時。
🧍♂️ 男方應該：
🦠 預防性病感染建議：
⚠️ 貼士：安全套穿咗通常係因為尺寸唔啱、乾燥無潤滑、使用時間過長、過期、保存不當等原因造成。下一次使用前，記得檢查有效期、保存環境、同埋配合足夠潤滑劑。
有女生自己買安全套嗎？
當然有！而且越嚟越多女性會主動買安全套，實際上我哋亦都有好多女顧客。
依家社會觀念改變咗，唔再認為安全套係男士專屬責任，女性主動購買安全套，其實係一種對自己健康同安全嘅負責任行為。
💬 有時候，女性仲會因為以下原因主動準備安全套：
-
想確保每次性行為都有足夠保護
-
唔想完全依賴對方準備，避免「冇套就照做」嘅風險
-
想試啲特別款式，例如超薄、熱感、加量潤滑等
-
有自己信任嘅品牌，唔想隨便將就
📦 加上而家網購咁方便，好多女生會選擇網上購買，仲有私隱包裝，唔使尷尬、亦唔會俾人望望吓。
👉 買安全套唔分性別，識保護自己就係成熟嘅表現。
女仔鍾意邊一類安全套多啲？
其實每個女仔喜好都唔同，但根據客戶反應同實際使用經驗，以下幾款安全套特別受女性歡迎：
🔸 超薄安全套：因為貼身、阻隔感低，令過程更加自然、舒服，唔會有強烈嘅「膠膜感覺」，係最多女仔話「feel 到冇戴咁」嘅選擇；冇錯，女性都會鍾意 raw 嘅感覺。
🔸 加量潤滑安全套：潤滑劑多啲可以減少磨擦，避免乾澀或唔舒服，特別適合唔太容易濕嘅女生，又或者初次嘗試嘅情侶。
🔸 非乳膠（PU 或 PI）安全套：唔單止適合乳膠過敏人士，而且好多女仔覺得呢類安全套質感柔軟、無膠味，使用體驗更佳。
🔸 香味安全套：有啲女仔鍾意 playful 啲，會揀士多啤梨、朱古力等香味款式，增加情趣氣氛。
✨每個人嘅感受唔同，最重要係雙方夾得到，試過先知邊款最啱自己。
女仔覺得男仔點樣準備安全套最有誠意？
好多女仔都話，男仔主動準備安全套，唔單止係負責任，仲係一種好有誠意嘅表現。
以下幾個細節位，會令女仔感覺你唔係hea做，而係真心尊重對方：
🔸 準備唔同特性嘅安全套，應付唔同情況：唔同嘅時間、氣氛、心情，可能會想用唔同款式，例如超薄、加厚、加量潤滑、熱感、香味等，反映你有認真準備，唔係亂買一盒就算。
🔸 預備潤滑劑或者選加量潤滑安全套：女仔未必每次都夠濕，主動準備潤滑劑，代表你有諗過對方感受，唔會造成不適，貼心度即時提升。
🔸 選擇冇橡膠味、質感舒服嘅品牌：唔係貪平亂買，係選擇高品質、有口碑嘅牌子（例如 Okamoto、Sagami、SKYN），自然會令人安心又加分。呢類日本品牌，就算係乳膠安全套，都會有氣味消除，唔會咁大浸膠味，影響情緒。
🔸 事前準備好，而唔係臨急周圍搵：喺需要嘅時候，自然又自信地攞出嚟，反而會比起怕尷尬嘅人更加加分，令人感覺你成熟可靠。
💬 總結：準備安全套唔係猥瑣，而係責任感、貼心同成熟表現。女仔感受得到你有冇用心，不一定要最貴，但一定要有諗過。
有冇特別為女同志而設計嘅安全套？
市面上雖然未有大量專為女同志設計嘅安全套產品，但其實唔代表無適合用嘅選擇。如果係進行女女之間嘅口交、手交或使用情趣用品，以下幾類產品都可以提供安全保護：
🔹 口交保護膜（Dental Dam）
呢種係一塊薄薄嘅乳膠膜，專門用嚟阻隔口腔與私密部位接觸，減低性病傳播風險。
🔹 安全套配合情趣用品使用
女同志如果會使用震動器、按摩棒等情趣用品，一樣可以套上安全套使用，保持衛生之餘，亦方便清潔或多人共用情況下更換。
🔹 潤滑劑選擇更重要
無論係用手指、玩具或者進行磨擦式互動，選擇溫和唔刺激嘅水性潤滑劑，可以提升舒適度，同時減少因皮膚受損導致的細菌感染風險。
📌 重點係：即使無明確標明「女同志專用」，但正確使用安全套、潤滑劑、口交膜等產品，其實一樣可以為女同志提供必要保護，保障雙方健康。
